Madame Montouchi - Lesung in Waltensburg
Auf den Spuren einer mysteriösen und kosmopolitischen Frau. Szenische Lesung auf Rätoromanisch mit David Flepp und Angela Collenberg. Beschränkte Platzanzahl, Reservation empfohlen.
Ina trucca misteriusa plein objects ord in’autra epoca anfla la via sin tribuna e sils fastitgs dalla Madame Montouchi, ina dunna sursilvana dil 19avel tschentaner. En fuorma d’ina prelecziun scenica scuvieran ils acturs David Flepp ed Angela Collenberg enqual facettas da quella veta fascinonta.
Co haveva ella propi num e danunder vegneva ella? Trieste, Sent, Sagogn, Venezia, Glion, Bordeaux, Flem, Firenze ein mo staziuns sin siu viadi da partir e tuttina turnar. Tgei ei schabegiau a Bordeaux, daco eis ella turnada en Surselva mo per puspei ir egl jester, uss ell’Italia?
Suandont il manuscret digl autur Uolf Candrian ed atras ils objects dalla scenografa Kate Malarenko semetta il publicum sin viadi culs acturs. Anavos el temps da siemis da grand hotels e concuors, da patriarcs ed emanzas, encadenai e liberai, da desideris pil lontan – e tuttina schar encrescher e vuler turnar. Entgins misteris vegnan alla glisch, auters restan el tschelau. Tgei resta da Madame Montouchi sche nus raquintein oz sia historia?
Ina producziun dil Sommertheater Surselva 2026 messa en scena da Curdin Caviezel e che astga ir sin turnea.


